Bajamet njihen për cilësinë e lartë të proteinave, fibrave dhe yndyrës që përmbajnë por rëndësi të veçantë ka gjithashtu dhe fakti që janë ushqim pa kolesterol. Ato janë burim i Vitaminës E, në formën e alfa-tokoferolit dhe janë të pasura në antioksidantë, magnez, kalcium dhe kalium.
Tek bajamet gjendet dhe manganes dhe fosfor.
Ndryshe nga bajamet e ëmbla ato të hidhura nuk përdoren për konsum nga njeriu por janë shumë të vlefshme në fushën e kozmetikës ku mund t’i gjeni në formë vaji apo parfumesh. Një përdorim tjetër është dhe përdorimi esencë aromatike në prodhimin e likereve etj.
Bajamet kanë shumë kalori dhe nuk rekomandohet ngrënia e tyre në sasi të mëdha pas ushqimit, por rekomandohet përzierja me fruta të freskëta (në sallatë), shkruan albeu. Lëkura e bajameve ka veti irrituese dhe është mirë që të hiqet para konsumit, duke e lënë në ujë për 1-2 orë. (studimet tregojnë se duhet të konsumohen me gjithë lëkurë për përfitimin e plotë të vlerave ushqyese)
Sipas studimeve në qoftë se konsumoni rreth 10-15 kokrra në ditë ulet kolesteroli me 14%. Kosumimi i bajameve ka dhënë rezultate në mjekimin e konstipacionit. 10-15 kokrra bajame në darkë ndihmojnë në daljen jashtë në mëngjes.
Bajamet mund të jenë tepër efektive edhe në rastet e acarimit të lëkurës, vaji i bajames i përzierë me ujë , freskon lëkurën, ndalon kruarjen. Vaji i tyre përdoret për të rigjeneruar lëkuren për të kuruar rënien e flokëve, zbokthin, hollimin e flokëve.
