Për shkak të incizimit të paautorizuar para dhe brenda në objektin e Gjykatës, dje në ora 14, pas koordinimit dhe udhëzimeve parprake nga prokuror publik në detyrë, janë arrestuar M.I. (29) nga Shkupi, kameraman i një televizioni të Maqedonisë dhe B.U.(35), kameraman i një televizioni nga Kosova, informojnë nga MPB-ja.
“Me personat e arrestuar është kryer bisedë informative në stacionin policor Kisella Vodë, pas çka ata janë lënë të lirë. Nga SPB Shkupi do të dorëzohet raport deri te Prokuroria themelore publike e Shkupit për masat e ndërmarr deri më tani”, thuhet në kumtesën e MPB-së.
Siç thuhet në kumtesën e MPB-së, në këtë rast, sikur ehde në rastet tjera, MPB ka vepruar në pajtim me normat ligjore, duke i zbatuar standardet profesionale.
