Gjatë hulumtimeve të bëra në një shpellë në Malin e Thatë në afërsi të fshatit Koritë të Gostivarit, speleologë kanë gjetur eshtra njeriu, pjesë të një granate të aktivizuar, pushkë gjahu dhe rroba të ndryshme, informon Tv Globi.
Sendet e gjetura janë dorëzuar për ekspertizë, pas së cilës do të dihet nga cila kohë janë ato dhe si janë gjetur në atë shpellë. Sipas Ministria për Punë të Brendshme gjetja e speleologëve është paraqitur më 18 gusht, në orët e pasdites.
Nga MPB informojnë se kryetari i klubit të speleologëve ‘Korabi’ ka paraqitur se ditën paraprake derisa kanë bërë hulumtime në shpellë – në thellësi rreth 20 metra, në vendin e quajtir ‘Çavkarnik’ në fshatin Koritë, kanë vërejtur pjesë nga disa kafka dhe një granatë të pa eksploduar.
Pas këtij denoncimi në MPB, është informuar edhe Prokuror publik, i cili ka urdhëruar të bëhet kontroll, që është bërë dje, nga ana e zyrtarëve policorë, përfaqësuesve të Drejtorisë për mbrojtje dhe shpëtim dhe nga Sektori për antiterrorizën DSK Gostivar.
Pas kontrollit në fundin e shpellës, sendet e gjetura janë fotografuar dhe po bëhen eksperitë nga ekspert italian të cilët tash e dy vite po qëndrojnë në Maqedoni duke ekspertuar në disa vendbanime me shqiptarë ku dyshohet se janë vrarë shumë vite më parë dhe janë groposur nëpër shpella të ndryshme.
