Një kalavesh rrushi të famshëm Ruby Roman është shitur në një ankand në Japoni me një çmim rekord prej rreth 11 mijë dollarë.
Kanë qenë mediat japoneze ato që kanë raportuar se ankandi u mbajt në shtetin Ishikawa, ku rrushi Ruby Roman është rritur tradicionalisht.
Dhe ka qenë një hotel japonez që fitoi shitjen publike, shkruajnë mediat e huaja, përcjell Telegrafi.
Ruby Roman është një specie me diametër 3 centimetra për secilën kokërr rrushi, pothuajse e barabartë me madhësinë e një topi pingpongu.
Rrushi Ruby Roman, i rritur në Japoninë qendrore, është ndër më të shtrenjtët në botë, i çmuar për ëmbëlsinë dhe aciditetin e ulët.
Siç thuhet më tej, ai ka një ngjyrë të kuqe të ndritshme dhe një ëmbëlsi të fortë.
Njëra prej tufave të saj raportohet se peshon rreth 900 gram dhe përbëhet nga rreth 30 copë, që do të thotë se blerësi duhet të paguajë rreth 400 dollarë për kokërr rrush.
Kooperativa bujqësore tha se korrja vazhdon për tre muaj, duke filluar nga korriku.
Dhe ata presin që 26,000 tufa rrushi të jenë në shitje deri në shtator.
