Policia e Kosovës ka njoftuar se ka arrestuar një person të dyshuar për vrasjen e një 25 vjeçari nga fhsati Ratkoc i Rahovecit.
I riu nga Rahoveci ishte vrarë më 17 maj, ndërsa arrestimi i të dyshuarit është bërë dje më 16 gusht.
“Në lidhej me rastin raportohet se me 16.08.017 është arrestuar i dyshuari mashkull K/Shqiptar, dhe i njëjti pas intervistimit me vendim të prokurorit është dërguar në mbajtje”, thuhet në njoftimin e policisë.
Komunikata e policisë në ditët kur është vrarë 25 vjeçari
Me datë 17.05.2017 në ora 02:00 stacioni policor në Rahovec ka marr informatë për një rast gjuajtje me armë zjarri në fshatin Ratkoc saktësisht në afërsi të udhëkryqit që lidhet me fshatrat Denjë dhe Vrajak.
Patrullat policore menjëherë kanë dal në vendin e ngjarjes dhe në atë lokacion kanë gjetur të shtrirë në skaj të rrugës një person të moshës rreth 25 vjeçar i cili kishte lëndime të dukshme në pjesën e kokës.
Nga mjeku kujdestar i spitalit rajonal ,, Isa Grezda” në Gjakovë është konstatuar se viktima është pa shenja jete.
Identiteti i viktimës për momentin është i panjohur.
“Është kryer ekzaminimi i vendit të ngjarjes dhe rasti po hetohet nga Sektori Rajonal për Hetime nga Drejtoria Rajonale e Policisë në Gjakovë, në bashkëpunim me Prokurorinë Shtetit në Gjakovë. Policia e Kosovës me njësitë e saj relevante është duke punuar intensivisht në zbardhjen e rrethanave të këtij rasti dhe identifikimin e viktimës dhe personave të dyshuar të mundshëm.”, thuhet në komunikatën e policisë.
