Presidenti i Turqisë, Rexhep Tajip Erdogan do të takohet me homologun e tij rus Vladimir Putin, në Moskë më 9 dhe 10 mars. Lajmin e ka bërë të ditur zëdhënësi i Kremlinit, Dmitry Peskov.
Udhëheqësi turk do të marrë pjesë në Këshillin e Bashkëpunimit të Nivelit të Lartë Turqi-Rusi.
Hera e fundit e takimit mes Putin dhe Erdogan ka qenë në fillim të tetorit 2016 në Stamboll, ku diskutuan rivendosjen e marrëdhënieve tregtare dhe bashkëpunimin në Siri.
