Gjatë ditës së djeshme në mbledhje qeveritare është diskutuar për organizimin e dasmave dhe ahengjeve, por nuk ka pasur protokolle dhe masa konkrete.
“Kjo temë u diskutua në mbledhje të Qeverisë ku e obligua ministri e Shëndetësisë të sigurojë propozim nga Komisioni për Sëmundje Ngjitëse për miratimin e protokolleve të reja”, tha Kreshnik Bekteshi, ministër i Ekonomisë, njofton Telegrafi Maqedoni.
Ai tha se sot apo gjatë ditës së nesërme pritet të vinë protokollet.
“Sa i përket objekteve hotelerike që organizojnë dasma, duhet t’i presim propozimet dhe sugjerimet e Komisionit për Sëmundje Ngjitëse. Unë jam i bindur se jo deri në fund të vitit, por më shpejtë ata mund të punojnë”, tha Bekteshi.
