Kryeministri i Shqipërisë, Edi Rama, në një intervistë për një televizion shqiptarë ka thënë edhe një herë se nuk ka asnjë platformë nga Tirana, por ka një platformë të partive shqiptare për të cilët ne vetëm kemi ndihmuar.
“Ne kemi pasur takime të ndara me liderët e partive shqiptare dhe kemi marrë shënime për gjithçka që ata kanë thënë. Ata janë bashkuar në një copë letre”, theksoi kryeministri shqiptar.
Sipas tij, e vërteta është krejt ndryshe nga ajo që pretendojnë presidenti Gjorge Ivanov dhe VMRO-DPMNE-ja, sepse kjo përpjekje e shqiptarëve në Maqedoni është për ta bërë Maqedoninë më të fortë.
Poashtu Rama përsëriti qëndrimin e tij se “shqiptarët nuk janë refugjatë, por pjesë përbërëse e një shteti me dy entitete”.
