Kryeministri Edi Rama e quajti të papranueshme situatën në kufirin mes dy shteteve shqiptare, Shqipërisë dhe Kosovës.
Ai tha se duhet të marrë fund tortura e radhëve dhe si për këtë dha edhe një datë.
“Duam që më 1 janar kufiri i Shqipërisë me Kosovën të mos jetë më torturë për bashkëatdhetarët tanë, por të jetë një kufi siç është mes Italisë dhe Francës.
Unë kam folur sot me zv.Kryeministrin e Parë dhe ministrin e Jashtëm të Kosovës dhe besoj se do ta realizojmë. Deti ynë është deti i tyre dhe më 27 nëntor do të jemi në Korçë në mbledhjen e përbashkët të qeverive, ndërsa më 28 Nëntor nis në Vlorë Viti i Skënderbeut”, deklaroi ai.
