Kandidati për president, Blerim Reka theksoi se në të ardhmen duhet të mendohet për ndryshimin e modelit për zgjedhjen e presidentit. Ai në intervistën në Alfa TV tha se duhet ndryshuar sistemi zgjedhor për presidentin e vendit, në drejtim të rritjes së kompetencave të tij kushtetuese, zgjedhjes së tij përmes Kuvendit si dhe aplikimin e postit të nënpresidentit të shtetit, si kategori kushtetuese. Me aplikimin e nënpresidentit, do të shmanget mundësia e tregimit të votave, që shpesh ka ndodhur në raundin e dytë.
