Ish-kryeministri Nikolla Gruevski edhe pse jashtë pushtetit ai merrë rrogë mujore prej 5 mijë eurove. Ai është i punësuar në Telekomin e Maqedonisë dhe se ashtu është evidentuar në librin intern të kësaj kompanie, shkruan gazetari Zoran Bozinovski Burevesnik.
Sipas këtij shkrimi, Gruevski merrë rrogë 5 mijë euro në muaj, përmes një firme fantome që i kryen shërbime Telekomit. Të njejtin status për një rrogë të tillë prej 5 mijë euro e ka edhe ish-ministrja e brendshme Gordana Jankullovska, por përmes një firme tjetër. “A thua kanë bërë marrëveshje”, ka shkruar gazetari Bozhinovski. Ky citim në formë lajmi ka nxitur reagime të ashpra në rrjetet sociale, ku janë drejtuar kritika të forta në adresë të kryeministrit Zoran Zaev, për të cilin thonë se ka mundur të jetë marrë vesh për këtë dhe se ka njohuri. (INA)
