Në emisionin debativ “Argument” të TVM2 Sekretari gjeneral i LR-PDSH-së sqaroi shqetësimin e tij se përse nuk mund të arrihet bashkëpunimi edhe me Lëvizjen Besa. Ai në emision u shpreh se: “për bashkëpunimin opozitar çdo ditë më pyesin miq dhe të afërm se çka u bë me Besën, madje edhe babai im sa herë që shkoj në shtëpi të njëjtën pyetje ma bën, çka u bë me bashkëpunimin. Ne edhe përpara një emisioni debativ që u mbajt në një media shqiptare i afruam qëndrimet me përfaqësuesit e Besës dhe në moment të fundit kur duhej të japim dorën, më thanë që jo nuk mundet të bëjmë bashkëpunimin përshkak se ju duhet të negocioni me Këshillin mbipartiak. Dhe i pyeta po kush është ky Këshill mbipartiak, mu përgjigjën që ende nuk është themeluar. I pyeta po me kënd duhet të negociojmë aty, më thanë që do jenë disa profesor dhe intelektual që nuk kanë përkatësi partiake. Dhe aty e pash që mu dogjën 3-4 muaj negociata me përfaqësuesit e Besës, të cilët vazhdimisht ndrojnë adresat e personave që duhet të negociojmë”.
