Në një atmosferë tepër të zymt, të paparë në këto 14 vite, sonte në Kërçovë Bashkimi Demokratik Për Integrim nën moton “Bashkë realizojmë”ka bërë prezantimin e projekteve të realizuara në Komunën e Kërçovës dhe rrethinën e saj. Ajo që më së shumti ra në sy dhe që i humb edhe kuptimin e këtij prezantimi të organizuar nga BDI ishte mungesa e Kryetarit të Komunës Fatmir Dearit , i cili kohëve të fundit ka shpeshtuar mosdëgjueshmërinë ndaj kryetarit Ali Ahmeti. Përveç, mungesës së Fatmir Dearit edhe qytetarët e Kërçovës ka kohë që ia kanë kthyer shpinën Ali Ahmetit, ku një pjesë e madhe e tyre janë reshtuar në mbështëtje të Aleancës Për Shqiptarët, Kjo më së miri u vërejt edhe sonte ku u krijuan mjaft telashe për organizatorët e këtij prezantimi. Si duket ata kanë qenë në dijeni për mungesën e mbështetjes ndaj BDI-së sidomos, pas publikimit të materialeve të përgjuara ku protagonist ishin Ali Ahmeti dhe Musa Xhaferi, prandaj janë përkujdesur për tu mos u koritur, duke sjellë edhe torbeshë nga Pllasnica dhe jane vërejtur shume vetura me targa nga Manastiri, Gostivari, Shkupi e Tetova, por prapëseprapë nuk kanë arritur të mbushin sallën. Krahasuar me kuvendin e Degës të mbajtur para do kohe të LR-PDSH kur për kryetar u zgjodh(Remzi Memedi ) ku salla ishte e stermbushur me shqiptare nga Kërçova pa asnje lloj presioni por të gjithë në emër të vullnetit për ndryshim kjo e sontmja e BDI-së mund të quhet dështim i rradhës /fol.mk