Ambasadori i Bashkimit Europian në Maqedoni Samuell Zhbogar ka qëndruar sot në Tetovë, ku mes tjerash ka takuar edhe kreun e kësaj komune Teuta Arifin.
Raportohet se në fokus të bisedimeve kanë qenë euro-integrimet e vendit dhe shfrytëzimi i fondeve IPA, në rastin konkret thithja e këtyre fondeve nga ana e Komunës së Tetovës.
Megjithatë krahas çështjeve të ndërlidhura me pushtetin lokal dhe IPA fondet, është biseduar edhe rreth gjendjes aktuale politike. Por Zhbogar në këtë drejtim ka qen i përmbajtur para gazetarëve duke mos shpalosur detaje por është shprehur se mbetet në atë që tha para ca ditësh shefja e diplomacisë evropiane Federica Mogherini.
Ndryshe nga Zhbogar kreu i Komunë së Tetovës ka konfirmuar se zgjedhjet lokale do të shtyhen ndërkohë që ka përcjell edhe një mesazh deri te ish kryeministri Nikolla Gruevski, që të mos nxit urrejtje ndëretnike.
