Në tubimin e tij të dytë në Las Vegas, Donald Trump tregoi një histori të gjatë dhe të çuditshme për djalin e tij Barron, i cili me sa duket është një gjeni në kompjuter dhe mund të kishte ndërtuar një faqe interneti të një sistemi të kujdesit shëndetësor më të mirë se ai i ndërtuar nga administrata e Obamës.
Duke folur me adhuruesit e tij, Trump tallet me ‘Obamacare’, i cili beson se administrata e tij po shkon më mirë sesa presidenca e mëparshme dhe se si ai do të bëjë kujdesin shëndetësor një pjesë të madhe të fushatës së tij zgjedhore.
Tani po ofrojmë plane që janë deri në 60 për qind më pak të shtrenjta. Ne do të bëjmë kujdesin shëndetësor një pjesë të madhe të kësaj fushate. Ne jemi duke mbrojtur njerëzit me kushte ekzistuese, dhe gjithmonë do ta bëjmë.
Ne po e drejtojmë atë shumë më mirë sesa ata që e bënë më herët.
“Mos harroni, faqja e internetit ‘Obamacare’ prej 5 miliardë dollarësh, duhej të kushtonte 5 milion dollarë. Unë kam një djalë në shtëpi, ai është 13-vjeç dhe mund t’a kishte bërë më mirë se ai. Ai është gjeni me kompjuter, sa që ai mund të kishte ndërtuar vetëm një faqe në internet që do të kujdesej për nevojat shëndetësore”, tha Trump.
