Roveri po mbledh elemente kimikë në sipërfaqen e zonës së paeksploruar
Roveri Indian që ndodhet në Hënë është vendosur në ibernim. Ky modalitet duhet të zgjasë dy javë, që përkon edhe me kohëzgjatjen e natës hënore.
Pas uljes me sukses në polin jugor të satelitit tonë, zonë e paprekur nga njerëzimi deri më sot, Rovëri para fikjes ka bërë një ngritje prej 40 cm. Ndërkohë që pavarësisht natës dyjavore, panelet janë hapur dhe pozicionuar në pritje të 22 Shtatorit për rrezet diellore, pasi kjo është edhe mënyra e rikarikimit të baterive.
Deri më tani nuk bëhet e ditur nëse ka arritur të marrë kompione të ujit, duke patur parasysh se qëllimi kryesor ishte pikërisht prania e ujit në forme akulli, pasi temperaturat aty shënojnë -120 gradë Celcius.
Por ka mbërritur konfirmimi për elemente kimike të tjerë që janë gjetur në sipërfaqen e hënës, ndër të cilët squfur, alumin, hekur, calcium, krom, oksigjen dhe silic.
Të gjitha të dhënat e misionit indian, që janë nisur në Tokë, fillimisht do të analizohen nga shkencëtarët vendas, dhe me pas nga komuniteti shkencor global.
