VMRO-DPMNE në komunikatën e sotme akuzon Lidhjen Socialdemokrate të Maqedonisë se po hesht ndaj deklaratës së Talat Xhaferit, i cili tha se seancat në Kuvend do t’i udhëheqë edhe në gjuhën shqipe. Nga kjo parti thonë se Maqedonia është viktimë e sjelljes anti-shtetërore të Zoran Zaevit.
“Krimineli Zaev dhe LSD, përveç që i mashtruan qytetarët dhe shkellin vullnetin e tyre, shkelën edhe Kushtetutën, Rregulloren dhe ligjet, ndërsa tani heshtin dhe mbështesin provokimet me të cilat ka filluar realizimi i Deklaratës së Tiranës. LSDM hesht për vendosjen e flamurit shqiptar në Kabinetin e kryetarit të Kuvendit. Tani LSDM-ja hesht edhe ndaj deklaratave të Talat Xhaferit se do ta zyrtarizojë gjuhën shqipe në gjithë territorin”, thuhet në reagim.
