Një gjendje e jashtëzakonshme do të thotë më shumë mundësi për qeverinë për t’u marrë me coronavirusin dhe pasojat ekonomike. Sa i përket funksionimit të shtetit dhe shoqërisë, gjendja e jashtëzakonshme nuk sjell në vetvete kufizime të reja për qytetarët, shkruan në Facebook kryetari i SDM-së Zoran Zaev.
Ai tha se deri në miratimin e masave të reja nga qeveria, gjithçka mbeti e njëjtë përsa i përket jetës së përditshme.
“Tregjet do të vazhdojnë të funksionojnë, kompanitë gjithashtu do të bëjnë dhe institucionet do t’i drejtojnë shërbimet pa probleme. Nuk ka kufizime të reja në lëvizjen e qytetarëve në këtë kohë. Në gjendje të jashtëzakonshme, qeveria fiton gjithashtu fuqi legjislative dhe ekzekutive. Ajo e lehtëson punën e saj në kohë krize dhe mund të marrë vendime shumë më shpejt dhe më efikase në të mirë të qytetarëve, gjegjësisht për të menaxhuar burimet e shtetit”, tha Zaev.
Ai përshëndeti nismën e qeverisë, si dhe vendimin e Presidentit Stevo Pendarovski për të shpallur një gjendje të jashtëzakonshme në vend.
