Legjenda e Interit dhe kombëtares argjentinase, Javier Zanetti, tani në rolin e zv/presidentit të zikaltërve, ka dhënë një intervistë, ku ka treguar edhe formacionin më të mirë të futbollistëve.
Natyrisht ai para derbit me Milanin e ka zgjedhur formacionin më të mirë që ka luajtur te Interi. Në njëmbëdhjetëshin e Zanettit ka katër argjentinas, katër brazilianë, dy italianë dhe një kamerunas.
Sulmi i preferuar i Zanettit përbëhet nga një katërshe ëndrrash me Ronaldo, Baggio, Eto’o dhe Milito. Porta i është besuar brazilianit Julio Cesar.
Bie në sy fakti që asnjë prej futbollistëve aktualë nuk bën pjesë në këtë formacion.
