Shpeshherë dalja në votime në zgjedhjet parlamentare dhe lokale në Maqedoni, është jo e kënaqshme, madje nuk kalohet pothuajse as 50 përqindshi. Komisioni Shtetëror Zgjedhor, sot përmes një komunikate para medias, u ka bërë thirrje të gjithë votuesve, në veçanti të rinjve, me qëllim që të dalin në votime, shkruan Fol.
”Pas zgjedhjeve të gjithë vajtojnë, veçanërisht të rinjtë, por harrojnë se me mos-daljen e tyre në zgjedhje, lejojnë që gjërat të ndodhin pa to.
Përveç kësaj, sistemi i ndërlikuar politik në të cilin të gjitha proceset bllokohen nga parimet etnike, jep një pamje që kot votoni dhe të rinjtë ndjehen se vota e tyre nuk bën dallim. Për fat të keq është gjithashtu afër të vërtetës, por është më shumë për zgjedhjet parlamentare! Zgjedhjet lokale janë një histori krejtësisht ndryshe dhe të rinjtë duhet ta dinë se me votën e tyre ata me të vërtetë kontribuojnë në ndryshim.
Zgjedhjet lokale na presin më pak se dy ditë, është mundësia që të rinjtë në të vërtetë të ndikojnë në gjërat që ndodhin në jetën e tyre të përditshme, të tilla si infrastruktura, hapësirë për të rinjtë, me përmbajtje kulturore dhe argëtuese, hapësirë për pushim dhe rekreacion dhe shumë më tepër.
Nëse nuk dilni në votime, ju lini mundësinë që nevojat tuaja të vendosen nga dikush që nuk e kupton fare dhe madje edhe më pak të respektojë.
Mos lejoni që kandidatët për këto zgjedhje lokale t’ua fyen inteligjencën, duke shkuar në vizita tek njerëzit jetima, duke u kujdesur për të moshuarit dhe të sëmurit. Bëni pyetje, kërkoni ide funksionale, koncepte, sugjerime dhe projekte të vlefshmem që më mirë të përgatitur t’i frikësohen pushtetit që të rinjtë kanë në duart e tyre.
Dhe aman, aman dilni në votime!!!”, shtojnë nga KSHZ. /Fol/
