Policia e Kosovës ka arrestuar të dielën pak para mesnatës dy të dyshuar me inicialet G.H 16 vjeçar dhe R.G 15 vjeçare për vrasjen e të ndjerit, Aulon Zekës i cili është gjet i vrarë në afërsi të shkollës ‘Model’ në Prishtinë.
Për këtë Prokuroria Themelore në Prishtinë e ka bërë kërkesën në Gjykatë që t’ju shqiptohet masa e paraburgimit këtyre të dyshuarve.
Në një prononcim për ‘Indeksonline’, prokurori i cili ka qenë në hetim të rastit, Valdet Gashi ka treguar se tanimë i mbetet Gjykatës që të vendos se kur do ta shqiptojë masën e paraburgimit.
Dihet se masa e paraburgimit për të miturit mund të jetë paksa më e lehtë me vetëm 15 ditë. Por mund të jetë edhe një muaj.
“Prokuroria Themelore sot ka bërë kërkesë për caktimin e paraburgimit ndaj dy të miturëve të cilët dyshohet për kryerjen e veprës penale të vrasjes të të ndjerit, Aulon Zekës. Ne presim që Gjykata të vendos lidhur me masën e kërkuar nga prokuroria. Gjykata është ajo që vendos për caktimin e masës që është kërkuar nga prokuroria”, ka thënë prukorori Gashi.
