https://youtu.be/X4jAzFeK71s?t=10
Janë mobilizuar të gjitha njësitë për ti ndihmuar banorët e zonës së përmbytur.
Dhjetra vullnetarët me lopata në dorë, po drejtohen në Stajkovc, për të pastruar shtëpitë e dëmtuara nga vërshimet.
Dy kompani që kanë organizuar këtë ndihmë, po del se forcat e tyre po i përqendrojnë vetëm në këtë lagje, ndërsa ata në Hasanbeg po i anashkalon.
Të paktën kështu pohon një prej vullnetarëve që po merr pjesë në aksionin e pastrimit.
“Çdo dit jemi këtu nga 30 deri 50 persona jena me ndërrime, kurse atë ditë që jemi të lirë nga puna vijmë në këtë vend sot jemi afër 30 persona që jena organizuar. Presim të marrim urdhëra dhe të vazhdojmë me ndihmën tonë, dita e parë është e imja dje ka qenë një grup tjetër, për çdo ditë ndërrohemi po, po vetëm në Stajkovci sa e di unë edhe ekipet tjera kanë qenë në Stajkovc edhe ne sot jemi këtu”, u shpreh Fari Selmani.
Këtë formë të punës në terren po e praktikon edhe një kompani tjetër publike.
Një prej udhëheqësve të grupit të vullnetarëve thotë për TV21 se dhjetra persona çdo ditë po sillen në Stajkovcë.
Por të njëjta ekipe nuk dërgohen edhe në Hasanbeg.
“Do të ndihmohet me pastrimin nëpër shtëpi dhe në vende tjera. I gjithë grupi është mobilizuar me të gjitha mjetet për pastrim. Ne jemi këtu afër 50 persona nga kompania ‘Rek Bitolla’! Ka edhe ekipe tjera nga qyteti i Manastirit”, tha Marian Filipovski.
G: Në lagjen Hasanbeg a keni kësi lloj grupesh
M: Jo Jo atje nuk kemi kështu grupe”
Se të dy lagjet kanë trajtim të ndryshëm, e dëshmon edhe dallimi që vërehet në rrugët e të dyja vendeve.
Në Stajkovcë, rrugët janë të pastruara, dhe njerëz nga jashtë po pastrojnë shtëpitë private.
Në Hasanbeg, rrugët janë ende me baltë, kurse vet banorët po pastrojnë shtëpitë e tyre, pa ndihmë nga jashtë. Kjo praktikë, po shkakton revoltë tek disa banorë të lagjes Hasanbeg.
“Nuk kanë ardhur të na ndihmojnë, ndihma kanë qenë vetëm në rrugën kryesore veturat të gjitha kanë mbete nëpër shtëpi edhe shtëpitë nuk i kemi pastra brenda nuk ka kush me i pastra jo jo nuk ka ardhur askush me i pastruar me na ndihma nga ana tjetër në Stajkovcë atje gjithçka ka dhe ju ndihmojnë ato krejt i kanë te na çizme mbas 3 dite na kanë pru, nuk kemi shumë njerëz që pastrojnë”, tha Ibrahim Abazi.
Por s’është se vetëm në Stajkovc në mënyrë të organizuar po pastrohet. Në Hasanbeg pamë ekipe të zjarrfikësve nga Kosova, që u kishin dal në ndihmë të prekurve nga vërshimet.
