Protesta studentore e paralajmëruar për ditën e martë, në Tetovë, ka ngjallur mjaft interes tek te gjithë shqiptarët e Maqedonisë. Andaj edhe vërehet një përkrahje e madhe nga të gjitha anët. Janë të shumtë, intelektualët, analistët, si dhe veprimtarë të shoqërisë civile, shqiptarë që përkrahin dhe motivojnë studentët në kërkesat e tyre.
Në përkrahje të studentëve së fundi ka dalur edhe Arianit xhaferi,aktivist i shoqërisë civile i cili ishte dhe vazhdon të jetë shumë aktiv dhe i zëshëm në mbrojte të ambientit me shoqatën e tij ambientaliste Eco Guerila.
Aktivisti Xhaferi nëpermjet paraqitjeve të tija në rrjetet sociale prej disa ditëve është shumë aktiv, ku nuk ka lënë pa komentuar edhe protestat e studentëve të Tiranës. Ai, nëpërmjet një postimi në fejsbuk,në formë shakaje, sikur i ka nxitur studentët Shqiptarë në Maqedoni, që edhe këta të ngriten në protesta. ”Gjithë ato francuza- te ne, asnjoni s’proteston”, kishte shkruar , z. Xhaferi, ditë më parë. Poashtu edhe në një postim tjetër ai i porosit studentët shqiptarë në Maqedoni, që edhe ata ngjashëm si studentët e Politeknikut në Tiranë e që kanë publikuar listën me emrat e pedagogëve që duhet të kalojnë në Vetting, e që supozohet se kanë pranuar lekë apo janë të korruptuar, që edhe këta këtu në Maqedoni të dalin me lista që ti ngjesin para fakulteteve, në çdo rrugë, në çdo lagje , i kishte këshilluar Xhaferi
