E plotësuar: Policia e Kosovës arrestoi deputetin e Lëvizjes Vetëvendosje Albin Kurti. Policia për të arrestuar Kurtin ka hedhur edhe sprej.
Nga hedhja e sprejit, deputeti Rexhep Selimi, Arbër Rexhaj dhe Driton Çaushi dhe përfaqësues tjerë të Vetëvendosjes dukej se kishin probleme për shkak të sprejit.
Deputetët e VV-së e presin Kurtin para Kuvendit, Policia po tenton ta arrestojë
E plotësuar: Deputetë të lëvizjes Vetëvendosje janë para Kuvendit të Kosovës për të pritur deputetin Albin Kurti, të cilin Policia e Kosovës po tenton ta arrestojë.
Aktivistë të Vetëvendosjes po tentojnë ta ndalojnë arrestimin e Kurtit, ndërkohë që aty vërehet prani e shtuar e Policisë.
Një ditë më parë gjyqtari Beqir Kalludra urdhëroi arrestimin e deputetëve Kurti, Kadaj-Bujupi dhe Haxhiu madje u caktoi edhe paraburgim, për shkak të mos paraqitjes së tyre në seancën gjyqësore ndaj hedhjes së gazit lotsjellës. /Telegrafi/
