BDI po trajton njejtë Mërgatën shqiptare me ” Votuesit e vdekur”

Shkrim nga Huzeir Mustafi 

Sa shumë të kqija na solli ky pushtet me pjesmarrjen direkte të BDI në qeveri dhe në projekte antishqiptare , ku populli shqipëtar në vazhdimsi goditej dha vazhdon të goditet duke e nënvlersuar me projekte që shkelin vlerat kombëtare shqiptare dhe ngrisin ato maqedonase, duke montuar raste njëri pas tjetrit dhe shqiptarëve akoma pa u shëruar plagët nga njëri rast , nga njëra ndodhi , nga njëri aksion vetëm se nga kuzhina VMRO – BDI dilte dhe na paraqitej një rast edhe më i rëndë e që për momentin na bënte ta harrojmë atë të parin duke tentuar ta mbijetojmë të tanishmin .

Goditjen e radhës që BDI po i bën popullit shqipëtar ku nga listat zgjedhore do të fshihen mërgimtarët është gjithashtu një goditje shumë e rëndë dhe me pasoja shumë të mëdha për të tanishmen dhe të ardhmën .
Pas shume të kqijave që pësuan shqiptarët e Maqedonisë gjatë qeverisjes VMRO –BDI si duket tani më armët e tyre janë drejtuar në drejtim të mërgatës për të goditur edhe ata të cilët mbajnë të gjallë këtë popull të vuajtur .

Në shikim të parë duket e çuditshme se si Ali Ahmeti dhe BDI mund tja bëjnë këtë të keqe pikërisht mërgatës shqiptare , atyre që i dhanë mbështetjen e pare dhe më të fuqishme gjatë gjithë procesit duke ndihmuar me mjete financiare lëvizjet që në atë kohë bënin pjese edhe disa nga figurat udhëheqëse të BDI –së . Por kur kthehemi edhe analizojme ngjarjet nga vitet e kaluara se si BDI dhe lidershipi i sajë , i goditën shokët e tyre , i goditën bashkëluftëtarët e tyre, e goditën popullin i cili e priti ju dha përkrahjen ju dha votën dhe në fund mori vetëm të kqija atëher edhe kjo e fundit ku mirësia e mërgatës shqiptare kthehet me të keqe dhe me heqje nga listat zgjedhore ishte e pritur sepse BDI është vendosur që deri në fund të jetë në shërbim të VMRO dhe politikave antishqiptare .

Më kujtohet një ngjarje para zgjedhjeve lokale të 2013 ku po përcillja për Zvicër një të afërm ne aeroportin e Shkupit , thuaj se e gjithë kryesia e BDI në krye me Ali Ahmetin ishin nisur për Zvicër e pastaj do vazhdonin për Gjermani ,Austri , Belgjikë etj , ku do të takoheshin me vëllezrit dhe motrat tona në mërgim për tju kërkuar edhe njëherë përkrahjen e tyre që të vijnë dhe të votojnë që të fitojme edhe ndonjë komunë më shumë dhe tani tre vite pas pikësrisht është BDI dhe udhëheqsia e sajë që mërgimtarët i ngatërrojnë me votuesit fiktiv, me ata votues që kanë vdekur dhe që akoma figurojnë në listat zgjedhore , me votuesit e Pustecit që në rrethana të çuditshme dhe të kundërligjshme u pajisën me letërnjoftime të Maqedonisë duke e fituar të drejtën e votës .
Sot mërgata shqiptare e cila është pjesa me e fuqishme e popullit tonë,e cila mërgatë asnjëherë nuk e kurseu vetën kur ishin në pyetje çështjet kombëtare , kur ishin në pyetje investimet në vendlindje ,dhe shumë e shumë të mira tjera të panumërta dhe sot kjo mërgatë duke ju faleminderuar BDI trajtohet njejtë sikur se “votuesit e vdekur“ apo ata të Pustecit .

Nuk edi ndoshta edhe sduhet të befasohemi edhe aq shumë nga marrveshjet e tilla kur të kesh parasysh faktin se populli shqiptarë dhe interesat madhore përfaqsohen nga politikanë të llojit të Artan Grubit apo Imer Aliut !