Deputeti i Kuvendit të Kosovës, Ilir Deda, i ka reaguar përfaqësueses së lartë të BE-së, FedericaMogherinit, e cila bëri thirrje që të hiqet taksa 100 për qind e Kosovës ndaj mallrave serbe.
Përmes një postimi në Facebook, Dedjaa ka thënë se Mogherini është dashur të reagojë kundër Serbisë, e cila sipas tij ka pasur fushatë aggresive ndaj Kosovës, transmeton Lajmi.net.
Sipas tij, Mogherini tashmë ka humbur kredibilitetin.
Ky është postimi i plotë i Dedajt në Facebook:
“Mogherini kërkon heqjen e menjëhershme të taksës ndaj Serbisë dhe thotë që është në kundërshtim me “frymën” e MSA-së?
Eh po ne, dhe jo vetëm ne në Kosovë, qe 5 muaj po kërkojmë që Mogherini të prononcohet kundër ndarjes së Kosovës; të reagojë kundër Serbisë që po punon në mënyrë agresive kundër Kosovës duke e shkelur “frymën” e normalizimit të marrëdhënieve; dhe po, po kërkojmë që BE t’i përmbushë obligimet e saj ndaj Kosovës.
Çuditërisht ajo vetëm ka heshtë, mos të them që i ka injoruar këto kërkesa. Kështu e ke kur znj. Mogherini e humbë kredibilitetin.