“Dëgjesa publike” në Manastir ofron dhe garanton amnisti për të gjithë të burgosurit politik, por edhe amnisti fiskale.

Kryetari i PDSH-së, Menduh Thaçi  në Manastir ka folur për platformën politike të partisë së tij dhe projektin e njohur “dëgjesa publike”.

Kryetari Thaçi potencoi se ne PDSH kane mbërritur me qindra ankesa lidhur me shkarkimet e padrejta nga puna, raste korrupsioni, ndërprerjen e energjisë elektrike si dhe ankesa për gjoba dhe tatime të majme. Ai më tej u shpreh “Ne jemi gati t’i prijmë një ndryshimi të madh, ndryshim i cili në thelb do të ketë për detyrë që paratë e shtetit tua kthejë qytetarëve shqiptarë”.

Kryetari Thaçi gjithashtu deklaroi se anëtarët e Partisë Demokratike Shqiptare do të jenë në kontakt të vazhdueshëm me çdo qytetar, për t’i dëgjuar, por edhe ndihmuar ata. Ai premtoi se PDSH ofron dhe garanton amnisti për të gjithë të burgosurit politik, por edhe amnisti fiskale.