Pas publikimit të lajmit për bojkot të mësimit nga profesorët e Gjimnazit nga portali fol.mk, i menjëhershëm ka qenë reagimi i Drejtorisë së Gjimnazit për ta tërhequr të njëjtën.
Me bojktimin e orëve mësimore nga profesorët e Gjimnazit, si pasojë e vendimit të Drejtorisë së kësaj shkolle që orët mësimore të zhvilloheshin në tre turne, ku qëllimi parësor ishte tu krijohet komoditet 100 nxënësve maqedonas, me çmimin që 400 nxënës shqiptarë ti nxjerr në tur të tretë.
Ky vedim skandaloz nuk ka shpjegim ndryshe, përveç se është çmimi i faturës që nxënësit shqiptarë të Tetovës duhet ta paguajnë për ”Karriken” e Kryetares Teuta Arifi, që në prag të zgjedhjeve lokale lidhi marrëveshje me banorët e maqedonas të Tetovës ku njëra nga pikat e kësaj marrëveshje ishte që në këmbim të votave maqedonase ajo do tu garantojë nxënësve maqedonas të Gjimnazit të Tetovës turn të veçant të zhvillimit të procesit edukativo arsimorë ndaras nga shqiptarët.
Ky skandal i rradhës i shkatërimit të arsimit , e në veçanti shkatërimit të Gjimnazit të Tetovës , gjimnaz ky që dikur ishte ndër më të njohurit në ish sistemin monist, është i qëllimshëm, sepse edhe nuk është hera e parë që tentohet të ” rrënohet” themeli i kësaj shkolle.
Fillimisht ndarja e gjimnazit në dy pjesë, pastaj reduktimi i klasave dhe së fundi tentimi për ndarje etnike, sigurisht se nuk janë në frekuencë të njëjtë me reformat që proklamohen për çdo ditë , kurse nga ana tjetër edhe transportin e garantuar falas për nxënësit vazhdojnë ta kepërdorin duke detyruar nxënësit që të paguajnë vetë. Falë ndërhyrjes së disa profesorëve dhe paralajmërimit të tyre për fillim të grevës , si dhe për shkak të kontestit kohor të”Pragëzgjedhjeve” portali fol.mk nga burime të sigurta brenda Gjimnazit të Tetovës mëson se në orët e pasditës vendimi është tërhequr, dhe se greva e paralajmëruar është ndërprerë.
© fol.mk
