Ndoshta e keni rutinën tuaj të pastrimit të flokëve, por me shumë gjasa duhet ta ndryshoni.
Nëse jeni si shumica e njerëzve, atëherë nuk jeni të organizuar sa i përket pastrimit të flokëve. Çdo herë që pastroheni e hidhni pak shampon në pëllëmbë të dorës, i shpërlani pak flokët dhe gjithçka përfundon aty, transmeton Telegrafi.
Sido që të jetë, flokët janë flokë dhe pastrimi i flokëve i ka rregullat e veta.
Paul Windle, një nga frizerat më të mirë të Londrës, tregon si duhet t’i pastroni flokët:
“Njerëzit kanë tendenca të përdorin shumë shampon. Truku është t’i pastroni flokët dy herë me shampon dhe secilën herë të përdorni shumë pak shampon”.
Gjithashtu, mos e lini shamponin në kokë, por shpërlani mirë flokët. Shpërlani të gjitha flokët!
“Është shpëlarja ajo që i largon ndyrësirat, jo shamponi. Nuk ekziston diçka e tillë si shpëlarje e tepërt”, ka shtuar ai.
