FACEBOOK-U TREFISHON FITIMIN

Në fund të marsit kompania ka pasur të fituara 1.51 miliard dollarë, ndërsa në tremujorin e njëjtë një vit më parë fitimi kishte qenë 509 milionë dollarë

Rrjeti më i njohur social, facebook-u ka përgatitur edhe një befasi te radhës: falë të ardhurave nga reklama, ai në tremujorin e parë të këtij viti pothuaj se ka trefishuar fitimin. Kështu, në fund të marsit kompania ka pasur të fituara 1.51 miliard dollarë, ndërsa në tremujorin e njëjtë një vit më parë fitimi kishte qenë 509 milionë dollarë.

Nga ana tjetër qarkullimi i Facebook-ut gjatë këtij tremujori është rritur për 52 për qind duke arritur në 5.38 milirdë dollarë, transmeton albinfo.ch. Shumica e fitimit vjen nga reklamat, të cilat kanë sjellë 57 për qind më tepër fitim se sa në periudhën krahasuese të një viti më parë.

Klientët e reklamave më së shumti i kanë tërhequr shërbimet e reja të facebookut si për shembull aplikacioni për telefonat mobilë.

Në fund të marsit faecebook.u kishte 1.65 miliard shfrytëzues aktivë në muaj, që është më tepër se sa pritej nga analistët.