Në qytete të ndryshme të Gjermanisë u organizuan protesta kundër masave të marra në kuadër të parandalimit të COVID-19.
Në Berlin, mbi një mijë njerëz u mblodhën në Rrugën Holzmarkt për të protestuar ndaj masave anti-COVID-19 me parullën “Marshimi i heshtur kundër diskriminimit dhe për të drejtat e njeriut”.
Demonstruesit më pas marshuan përgjatë rrugëve Leipziger, Charlotten dhe Unter den Linden deri në Sheshin Ëashington. Gjatë demonstratës, ku u morën masa të gjera të sigurisë, u vu re se rregullat e mbajtjes së maskave dhe distancës kryesisht u respektuan.
Policia herë pas here paralajmëronte demonstruesit që nuk mbanin maska.
