Skuadra e Shkëndijës në ndeshjen e parë të turit të dytë në Ligën Evropa, në ndeshjen e zhvilluar në stadiumin “Mladost” në Strumicë para afro 1500 tifozëve që kishin ardhur nga qytetet e Maqedonisë perëndimore në mesin e të cilëve edhe afro 250 nga tifo grupi “Ballistët”. Fitues dolën vendasit me rezultatin 3-1, ndërsa trim i ndeshjes ishte Besart Ibraimi i cili ishte autor i tre golave.
Pjesa e parë e ndeshjes kualifikuese për Ligën Europa ndërmjet Shkëndijës dhe ekipit Helsinki përfundoi 1-1. Të parët në epërsi kaluan miqtë nga Finlanda me golin e Ousman Jallou në minutën e 35-të nga një gabim i mbrojtjes vendase. Në sekondat e fundit të pjesës së parë Radevski në mënyrë të palejuashme u ndal në gjashtëmbëdhjetëshin e ekipit finlandez dhe për referin austriak Markus Hameter nuk pati asnjë diemë për të treguar në pikën e bardhë të cilën me sukses e realizoi Besart Ibraimit. Me këtë rezultat përfundoi pjesa e parë.
Në pjesën e dytë kuqezinjtë kishin dominim absolut në terren të gjelbërt duke krijuar raste të shumta por goli erdhi në minutën e 59-t pas një aksioni preciz të kapitenit Hasani, ndërsa realizoi Besart Ibraimi për epërsi 2-1. Pas golit të dytë Shkëndija filloi edhe më tepër të sulmoj portën e Tomas Dahne, kështu në minutën e 63-t Besart Ibraimi ndalet nga Patronen në mënyrë të palejushme dhe referit nuk i mbeti gjë tjetër pos që ta ndëshkoj me karton të kuq dhe të tregon penalti për vendasit. Besart Ibraimi nuk fal shënon golin e tretë në këtë ndeshje.
Ndeshja kthyese luhet pas një jave në Helsinki.
