Misioni i Këshillit Opozitar u përmbyll me sukses . Kështu thanë eksponent të këtij këshilli që për gati më shumë se një vit ishin pengesa kryesore e afrimit të partive të reja opozitare rreth një platforme të përbashkët dhe një koalicioni të mundshëm opozitarë. Që nga fillimi ishte organizim më i pakuptimt ndër shqiptarët , pa një status të qartë juridik dhe më qëllime mbrapshta, ku si synim kryesor kishte qëllimin për të penguar bashkimin e forcave opozitare. Ky këshill u krijua si një kundërpërgjigje ndaj Aleancës për Shqiptarët, koalicion ky i krijuar nga RDK dhe LR-PDSH. Edhe pse thuhej se ky këshill kishte mision të qartë , gjoja të bashkonte opozitën , në të vërtetë prapa këtij këshilli fshihej misioni i pengimit të këtij bashkimi dhe nxitja e përçarjes mbrenda partive opozitare. Këtu vlen të përmendet sidomos kontributi i jashtëzakonshëm i Udhëheqësit shpirtëror të këtij këshilli, zëdhënësit të ”pakënaqësisë” shqiptare, njeriut me një të kaluar të dyshimt që i ka shërbye me zell ish sistemit monist , i cili i priu misionit vendimtarë të përçarrjes brenda RDK-së. Edhe sot kur ky këshill zyrtarisht është shpërbë, pas misionit të ”suksesshëm” përçarës, ata u bëjn apel opinionit publik se veprimtaria e e mëtejme e anëtareve të këtij Këshillit Opozitar nuk e përfaqëson këtë këshill dhe tash e tutje secili është i lirë të veprojë ashtu si e sheh më të përshtatshme për vetveten dhe për shoqërinë shqiptare.
© fol.mk
