44-vjeçari Rudin Çalliku nga Shijaku është emër i njohur për karabinierët italianë pasi mbi të rëndojnë akuza të ndryshme.
Ai akuzohet për vjedhje, prostitucion, armëmbajtje pa leje, vrasje e mbetur në tentativë, trafik droge dhe dhunë seksuale. Çalliku ka patur probleme me drejtësinë që në moshën 21-vjeçare pasi mbi të rëndonin akuzat e vjedhjes, por u la në arrest shtëpie.
“Koka” e prostitucionit zgjodhi Vincenzan, për të kryer bizneset e tij të paligjshme. 44-vjeçari u kthye në liderin e një rrjeti prostitucioni, ku edhe spikati veprimi i tij brutal, prerja e ligamenteve të këmbëve të një femre që ushtronte aktivitetin e saj seksual aty.
Anëtar i një organizate kriminale, ai u zhduk nga sytë e policisë italiane dhe u arrestua në vitin 2014 nga policia e Shijakut pasi ishte shpallur në kërkim nga Interpol Tirana në 26 qershor të vitit 2012.
Çalliku u arrestua në datën 23 gusht në Shijak dhe u ekstradua në Itali ku iu dha dënimi me 5 vite, 6 muaj e 15 ditë burgim për veprën penale “Shfrytëzim prostitucioni”.
