“Më mungon të luaj me babin”- kështu është shprehur për mediat e bija 6-vjeçare e 46-vjeçarit George Floyd, Gianna.
Vogëlushja e di se i ati nuk është më, por ende nuk është në dijeni të ngjarjes dhe se si ka ndodhur ekzaktësisht ndarja e tij nga jeta. Ndër të tjera Gianna u shpreh se dëshiron të bëhet mjeke dhe të shpëtojë jetën e njerëzve në të gjithë botën.
“Unë ende nuk mund ta besoj se dikush nuk e ka ndihmuar George. Unë i kam thënë Gianna-s se babai i saj ka vdekur, pasi nuk merrte dot frymë”, tha Roxie, bashkëshortja e të ndjerit.
Sakaq, familja Floyd iu bashkua protestave paqësore në Minneapolis. Gianna shihet teksa është ulur mbi supet e xhaxhait (vëllait të Georg-es) duke brohoritur:
“Babai im ndryshoi botën!”
