Rasti me të burgosurin nga Tetova në burgun e Shtipit ka alarmuar institucionet të cilat dyshojnë se ai është keqtrajtuar dhe jo vet-lënduar.

Inspektorët nga Drejtoria dhe përfaqësues të Avokatit të Popullit dje kanë qenë në burg dhe dyshojnë se ai është keqtrajtuar.

Memeti dyshon në dy skenarë. Ose e kanë rrahur të burgosurit e tjerë ose e kanë rrahur gardianët e burgut. Edhe pse burgu është nën video mbikëqyrje, megjithatë rasti nuk është i regjistruar, për shkak se siç deklaroi për Alsat M, drejtorja e Drejtorisë për Ekzekutimin e sanksioneve Lidija Gavriloska kamerat në atë moment nuk kanë punuar. Avokati i Popullit kërkon që Prokuroria publike të nisë hetim për këtë rast.