“Zaev dhe Dimitrov, për të qëndruar në pushtet, nënshkruan marrëveshje të keqe me Bullgarinë në gusht 2017”, shkruan ish-Ministri i Punëve të Jashtme dhe deputeti aktual nga radhët e OBRM-PDUKM-së, Antonio Milloshoski.
Ai propozon që kjo Qeveri të japë dorëheqjen dhe pas konsultimeve serioze Kuvend dhe publik, të formojë qeveri eksperte të përbërë nga ekspertë në secilën fushë, e cila do të merrte besim të gjerë shoqëror dhe mbështetje për zbatimin e një plani për të kapërcyer krizën aktuale.
“Për shkak të deklaratave të Zaevit, të gjithë politikanët dhe diplomatët në rajon na përqeshin, dhe në shoqërinë maqedonase Zaev bëhet faktor i mosbesimit tek shumica e qytetarëve, ekipi qeveritar nuk ka kapacitet të ofrojë një rrugëdalje nga kjo krizë politike dhe ekonomike dhe të ndërtojë një politikë të gjerë “dhe një konsensus kombëtar mbi një strategji të re për përparimin e qëndrueshëm dhe institucionet funksionale”, tha Milloshoski në Facebook.
