Në këto momente të vështira që kalojnë banorët e Hasanbegut të prekur nga vërshimet e ditës së diell, ku humbën jetën disa qytetarë ku u shkatëruan shumë shtëpi dhe u shkaktuan dëme të konsiderueshme materiale, qytetarët mezi arrijnë të marrin veten. Në Hasanbeg dhe vendbanimet përrreth të kapluara nga vërshimet thuajse mungon çdo gjë, duke filluar nga ryma elektrike, uji, ushqimi, mjetet higjeniko sanitare, vegla për pastrim, etj. Prandaj , sot këta qytetarë kanë nevojë për ndihmën e çdonjërit, por para së gjithash kanë nevojë për drejtësi dhe përkujdesje institucionale.Fatkeqësisht nga ajo që shofim se ata që janë më të thirur për tu dhënë ndihmën e nevojshme këtyre banorëve të prekur nga kjo fatkeqësi e paparë, të pafuqishëm për të ndihmuar në këtë situatë, sepse ajo që dihej prej kohësh edhe u vërtetua nga përgjimet e opozitës se këta shërbejnë vetëm dekor në pushtetin e VMRO-së.Të ndodhur në këtë situatë të turpëruar para syve të atyre që ua morrën votën, në vend që të bëjnë presion te partneri i tyre që sadopak përkujdesja shtetërore të jetë e barabartë ashtu si edhe në Stajkovc, ku shteti me tërë kapacitetin e vet është angazhuar maksimalisht , bile edhe të ndihmuar nga Sërbia dhe Bullgaria për tu dalë në ndihmë një pjese të banorëve, këta tanët (BDI) si duket në vend të ndihmës për banorët më tepër janë të preokupuar për imazhin e tyre që është në rrënie të lirë. Është për të ardhur keq kur sheh ” telallët”e tyre bashkë me ushtrinë propagandistike ku mundohen të mbulojn TURPIN. Idiotizmi i tyre shkon aq larg sa që Teuta Arifi nënkryetare e BDI-së në çdo paraqitje publike shoqërohet me mbi 50 foto që mundohet tu shpërlajnë trutë shqiptarëve.Aspak më mirë në nuk qëndrojnë edhe funksionarët e tjerë Artan Grubi, Izet Mexhiti, Rektori i Universitetit të Tetovës Vullnet Ahmeti që edhe në ngushëllime shoqërohet me fotoreporterë që shkrep foto edhe në raste pikëllimi ku si dëshmi është edhe autori i këtij teksti që rastisi të jetë në të njëjtën kohë te familja e hoxhë Shabiut nga Hasanbegu i cili ka humbur nusen e djalit dhe nipin 6 vjeçar. Ligësia e këtyre pushtetarëve nuk ka fund. Mjafton që të lexojmë këtë citat të një portali të paguar nga BDI për të kuptuar fytyrën e vërtet të tyre:
“Si një nga zyrtarët më aktiv që nga marrja e postit si zv.kryeministër,Halili deri më tani ka treguar shumë konstruktivitet në punën e tij dhe ka shfaqur një frymë të re me drejtimin e institucioneve.
Ndryshe Halili ndërpreu vizitën e tij në Bruksel dhe u kthye në Maqedoni pas katastrofës që ndodhi atje ku humbën jetën mbi 22 persona”
Dhe për fund për të mos e zgjatur më tepër ky njoftim i portali të BDI-së, ku njofton se zv Kryeministri Festim Halili është kthyer në Maqedoni sigurisht se do ti gëzojë Hasanbegasit.
©fol.mk