Ka përfunduar takimi i sotëm i ministritrave të Punëve të Jashtme të Maqedonisë dhe Greqisë, Nikolla Dimitrov dhe Nikos Kotzias, me ndërmjetësuesin e OKB-së për çështjen e emrit, Matthew Nimetz.
Ky takim ka gjatur thuajse tetë orë, ndërsa në përfundim të tij, Nimetz tha se bëhet fjalë për një seri takimesh për të zgjidhur çështjen e emrit, duke shtuar se takimi ishte produktiv dhe e bën optimist për të ardhmen.
Sipas tij, palët kanë realizuar bisedime edhe në nivel ekspertësh, duke shtuar se kanë hyrë në detaje, janë adresuar çështje të vështira që ende ekzistojnë.
Edhe ministri Nikolla Dimitrov është shprehur optimist pas takimit, por thotë se përparimi është i kushtëzuar nga hapja e çështjeve të vështira.
