Qeverinë Hoti nuk e njohin qytetarët të cilët u mblodhën para Kuvendit të Kosovës për të kundërshtuar votimin. Kërkesa e tyre është për zgjedhje të reja.
“Ma mirë me fytyrë, se të jesh i shitur. Kur jam ndalur dhe e kam menduar se në Parlament e kam Isa Mustafën, i cili ka qenë në komision në kohën e Serbisë.”
“Po kthehet krimi në vendin e krimit, kriminelët në vendin e krimit dhe për të qenë absurditeti deri në maksimum, me ndihmën e gjykatës.”
Urimi i parë për Qeverinë Hoti erdhi nga Presidenti i Kosovës, Hashim Thaçi, bashkë me përgëzime për deputetët që votuan. Përgëzime kanë ardhur edhe nga i dërguari i Shteteve të Bashkuara të Amerikës për dialogun Kosovë-Serbi, Richard Grenell.
“Ne e mirëpresim qeverinë e re të Kosovës dhe presim të kemi partneritet me ta për vazhdimin e dialogut me Serbinë.”
Reagim ka pasur edhe nga BE-ja e cila po ashtu pret rikthimin e dialogut Prishtinë-Beograd.
BE
“Dialogu i lehtësuar nga BE-ja është mënyra e vetme për ta kthyer të ardhmen evropiane të Kosovës në një realitet për qytetarët e saj.”
DIALOGU, MËNYRA E VETME PËR TË ARDHMEN EVROPIANE
Presidenti serb Aleksandër Vuçiq është i gatshëm të vazhdojë dialogun me qeverinë e re të Kosovës në rast se Prishtina heq kufizimet për lëvizjen e mallrave dhe njerëzve nga Serbia.
