Tashmë është bërë e qartë për opinionin publik se Vesel Memedi ka mbetur i vetëm, i kapur nga pushteti, në lojrat e tij të dirigjuara nga lart për të pamundësuar bashkimin e opozitës, I leçitur nga shtëpia e tij, Vesel Memedi, është kthyer në një Robinson Kruzo tragjiko-komik, për të ardhur keq, veprimet e të cilit nuk i merr seriozisht askush.
RDK i kujton Robinson Kruzos të saj se ai, që gjashtë muaj, nuk ka guximin të vijë në
mbledhjet e organeve të RDK-së, Kryesisë Qendrore dhe Kuvendit Qendror, e as në mbledhjet
e Degëve të RDK-së nëpër të gjitha komunat e banuara me shqiptarë në Maqedoni, por bredh
rrugëve me vulat e uzurpuara të partisë, duke e marrë të tjerët nën sqetull, herë si lango, herë
si lolo, për qëllimet e tyre.
RDK e fton Robinson Kruzon e saj që të vijë në mbledhjet e Kryesisë dhe Kuvendit Qendror
si dhe në Degët e RDK-së nëpër komuna për ta kuptuar se kongreset nuk i organizon një
person i vetëm (pos kur është vegël e kapur e pushtetit), por siç thuhet në nenin 33 të Statutit
të RDK-së – seancën e rregullt të Kongresi të partisë e konvokon Sekretari Gjeneral i partisë;
në nenin 31 të statutit të RDK-së – mënyra e përcaktimit të delegatëve të nëndegëve në
Kongres përcaktohet me rregullore për punë të nëndegëve, të sjellë nga Kuvendi Qendror i
Partisë dhe në nenin 35 të statutit të RDK-së – me mbledhjen e Kongresit deri në zgjedhjen e
Kryesisë së punës kryeson Sekretari Gjeneral i partisë.
RDK i rekomandon Robinson Kruzos të saj se është më mirë për të të bëhet analist sporti –
tani që edhe pushteti u detyrua t’i ndërpesë pagesat disa vjeçare qyl prej dhjetra mijëra eurosh
pa shkuar në punë – se sa siç ka përfunduar kështu në një figurë tragjike dhe komike të
politikës shqiptare.
RDK e bën të qartë edhe një herë se të gjithë ata që e marrin nën sqetull Robinson Kruzon e
saj, çojnë mesazhin e hapur se kanë për qëllim sabotimin e bashkimit real të partive opozitare
shqiptare.
