Deputeti i Alternativës, Skender Rexhepi, ka dalur me një qëndrim që dallon nga qëndrimi i shprehur nga zëdhënësi i partisë, Orhan Murtezani, lidhur me përkrahjen e mundshme në rrethin e dytë në Tetovë.
Rexhepi thotë se për partinë e tij prioritare është të mposhtet BDI me çka ka lënë të hapur madje edhe mundësnë për të përkrahur Bilall Kasamin në Tetovë.
“Të gjitha të këqijat e shqiptarëve në Maqedonine e Veriut janë si pasoj e keqmenaxhimit të pushtetit qendror dhe ate lokal nga ana e BDI-së, andaj sa me heret kjo e keqe te largohet nga vendbanimet shqiptare aq me mirë do te jetë”, deklaroi Rexhepi për Zhurnal.
Ai megjithatë thekson se për bashkëpunimet eventuale dhe përkrahjet në rethin e dytë duhet të vendosin organet kompetente në të dyja partite e koalicionit ASH-AAA.
Paraprakisht zëdhënësi i Alternativës, Orhan Murtezani, ka deklaruar prerazi se kjo parti nuk do ta përkrahë Bilall Kasamin në rrethin e dytë.
