Serbët zgjedhin Titon liderin më të mirë, Millosheviqin më të keqin

Qytetarëve të Serbisë iu është ofruar një listë me gjashtë emra dhe nga kjo listë, ata kanë thënë se lideri më i mirë ka qenë Josip Broz Tito, ndërsa pas tij ka dalë të jetë Aleksandër Vuçiq.

Kjo është bërë e ditur në një hulumtim të kryer nga qendra për hulumtime “Demostat”, hulumtim të cilin e ka parë e përditshmja serbe “Danas”.

“Për Titon kanë votuar 32 për qind e të anketuarve, ndërsa për Vuçiqin vetëm 1 për qind më pak – 31 për qind gjithsejtë. Emri i radhës të cilin të anketuarit e vendosën në vendin e tretë ishte Zoran Gjingjiq me 11 për qind, ndërsa larg prej tij ishte Slobodan Milosheviq me tre për qind. Pas tij vijnë Boris Tadiq dhe Vojislav Koshtunica, me nga dy për qind”, shkruan “Danas”, transmeton Koha.net.

Ky pyetësor është realizuar në tetor të këtij viti me rreth 1500 anketues me intervista “ballë-për-ballë”.