Në aksidentin që mëngjesin e sotëm ndodhi para qarkores Hipodrom, sipas informacioneve të para të policisë, është lënduar një femër, e cila është dërguar menjëherë në Qendrën Urgjente në Shkup, përcjell Fol.
Nga MPB-ja deklaruan se akoma është duke u bërë ekspertizë në vendngjarje dhe se informacionet me të cilat tash për tash disponojnë tregojnë se është lënduar një femër.
Aksidenti ka ndodhur mes katër automjeteve, një kamioni dhe një autobusi. Dy nga automjetet janë me targa të Shkupit, një të Velesit dhe një të Prilepit, ndërsa kamioni është me targa të Ohrit dhe autobusi me targa të Shkupit.
Në vendngjarje ende po bëhet ekspertizë dhe komunikacioni zhvillohet i vështirësuar në një korsi. Është vendosur edhe sinjalizim përkatës. /Fol/
