Rasti me Alsat, është një presion i qeverisë ndaj një mediumi të pavarur, tha Halil Snopçe nga Aleanca për Shqiptarët në “Rruga Drejt”, shkruan Alsat.
Snopçe, u shpreh se kjo gjithashtu është një tentativë e Qeverisë për shantazh për të futur edhe Alsatin nën ombrellën e tyre.
“Rasti me TV Alsat, është një rast eklatant i presionit të qeverisë ndaj një mediumi të pavarur, presion i qeverisë ndaj fjalës së lirë dhe një tentativë për shantazh për të futur edhe Alsatin nën ombrellën e tyre. Normalisht duke marrë parasysh se gjykatat janë të kapura, edhe këtë mund të konsiderojmë edhe një ushtrim të totalitarizmit. Pra kjo është një çështje historike që vazhdon edhe ditëve të sotme”, tha Snopçe./ Alsat.mk
