Arben Taravari, Ministër i Shëndetësisë, njëherit edhe kandidati më serioz për të fituar Komunën e Gostivarit, ka falënderuar popullin, për vlerësimin që i kanë bërë punës së tij si Ministër në qeverin reformatore të drejtuar nga Zaev në sondazhin e realizuar në nivel të shtetit nga instituti prestigjioz Amerikan IRI.
Në sondazhin e publikuar nga IRI, ministri Taravari ishte vlerësuar si ministri më i suksesshëm me 22% mbështetje, dukshëm, më lartë se gjithë ministrat e tjerë, duke e lënë pas edhe vetë kryeministrin Zaev i cili gëzonte 20% besimin e qytetarëve,
Taravari, në falënderimin e tij thekson se ky sukses nuk do të kishte dhënë rezultatet që kemi pasur pa mbështetjen e ekipit profesionist dhe njerëzve të mrekullueshëm që kanë punuar dhe vazhdojnë të punojnë , me vetëmohim dhe entuziazëm të pashoq.
Në vazhdim ja edhe falënderimi i plotë i z Taravari ;
”Sipas sondazhit të IRI-it (Insitutit Republikan Ndërkombëtar), unë jam vlerësuar si një nga ministrat më të sukseshëm të kësaj qeverie.
Duke falenderuar popullin që ka vlerësuar punën time, dua të kujtoj për respekt ndaj të vërtetës që unë i vetëm nuk do kisha mundur kurrë të kisha rezultatet që kemi pasur.
Prapa meje gjendet një ekip profesionist, me njerëz të mrekullueshëm, që kanë punuar dhe punojnë çdo orë me vetmohim dhe entuziast të pashoq!
Asnjëherë nuk kam gjetur rastin t’i falenderoj për punën e tyre që shpesh ka zgjatur edhe mbi orarin e punës, ndaj sot më duket se është momenti i duhur për t’i thënë Ekipit Tim: faleminderit”! Jam krenar për ju!
Sinqerisht
Miku juaj
Arbeni
