Njerëzit shpenzojnë një kohë të konsiderueshme në tastierat e tyre të konpjuterëve. Për ne, është shumë e rëndësishme që tastiera të ketë një dizajn të përshtatshëm, gjë që na bën më të lumtur dhe më produktivë.
Një kompani amerikane ka shpenzuar dy vite e gjysmë duke dizajnuar një tastierë, duke përdorur teknika të ndryshme si modelimi 3D, inxhinierinë elektrike, printimi 3D e metoda të tjera.
Tastiera është e dizajnuar për t’ju përshtatur sa më mirë pozicionit të duarve dhe gishtave nëpër shkronja. Tastet janë të ndërtuara në mënyrë të veçantë secili, gjithnjë duke pasur në mendje pozicionin e secilit gisht në tastierë gjatë shkrimit.
Kompania ‘Keyboardio’ thotë se tastierën e cila ende nuk është prodhuar në seri, e kanë provuar disa gazetarë, programerë e njerëz të profesioneve të tjera të cilët e kanë tastierën ‘shok’ kryesor në punë.
Çmimi i produktit është 329 dollarë amerikanë dhe mund të blihet përmes këtij LINKU.
