Ish-Presidenti merr të gjithë delegatët
Një tjetër fitore spektakolare dhe e paprecedentë për Donald Trump në zgjedhjet paraprake republikane të Nevadës.
Ish-shefi i Shtëpisë së Bardhë fitoi 99% të votave në një proces votimi të organizuar në formë kuvendesh lokale, të njohura edhe nga Kodi Zgjedhor amerikan.
Trump mori të gjithë delegatët e Nevadës, duke pasur përballë një rival thuajse të panjohur për publikun.
Niki Hejlli, rivalja e vetme e Trump e mbetur brenda partisë në shkallë kombëtare, nuk mori pjesë në këtë proces. Votimi i të Enjtes ishte ripërsëritje e procesit të të Martës ku Trump nuk mori pjesë për shkak të mosmarrëveshjeve me krerët e komisionit zgjedhor të Nevadës për mënyrën e votimit.
Në votimin me votë të fshehtë të së Martës, 63% e anëtarësisë republikane zgjodhën opsionin për të mos mbështetur asnjë prej kandidatëve, ndërsa Niki Hejlli u rendit e dyta, një tjetër mesazh i qartë sipas analistëve se republikanët duan Donald Trumpin si kandidat për President.
