Uniteti para simpatizantëve mbajti tubim në Studeniçan. Kryetari i kësaj partie, Gëzim Ostreni ka folur për platformën që ofron koalicioni mes tri partive Uniteti – LR-PDSH dhe RDK, duke theksuar se kjo është ofertë historike për kthesë të rëndësishme për shqiptarët. Ai tha se të gjithë shqiptarët duhet ti bashkohen kësaj platforme të tyre që ofron zgjidhje në çdo rrafsh institucional dhe shoqëror për shqiptarët.
Në tubim ka folur edhe Zulfi Adili – i njohur si komandant Qufa, i cili ka garantuar banorët e kësaj zone se ai është garanca se nuk do të tradhtohet platforma e koalicionit sepse ajo është kontrata e vetme që ofron zgjidhje për shqiptarët, që janë në një pozitë tejet të rëndë./ INA
