Ky është momenti rrëqethës kur tre ushtarë indian rrëzohen në tokë pasi u këputet litari me të cilin po lëshoheshin nga helikopteri.
Ushtarët po lëshoheshin me litar gjatë një trajnimi në Neë Delhi të Indisë, kur në një moment u këput litar dhe përfunduan në tokë, transmeton Telegrafi.
Fatmirësisht që të tre i kanë mbijetuar rrëzimit që ndodhi në ditën e ushtrisë indiane, ku ky vend po demonstronte aftësitë ushtarake gjatë një parade.
Në video mund të shihet se si tre ushtarët bien në tokë nga helikopteri i tipit ALH Dhruv, ndërsa ushtari i parë që u rrëzua ka pësuar më pak lëndime trupore pasi ishte më afër tokës derisa po lëshohej me litar.
Ndërkaq dy ushtarët tjerë u rrëzuan në tokë nga një lartësi prej 15 metrave, ndërsa në spital nuk kanë specifikuar se për çfarë lëndime bëhej fjalë.
Raportohet se shkak i këtij incidenti ishte cilësia e dobët e litarit, kurse autoritetet e sigurisë kanë filluar hetimet zyrtare për të përcaktuar shkakun.
